Arakhavutno forutnengo(Ombudsmano) Saša Janković, sar si laćhardine kanunesa, di-ja ko 14.mart Themutne parlamentose Repubika Srbijaće rindome bošesko raporti Arakhavutneso forutnengo e 2014. bošese. Ano raporti sa maškar aver moldosardo kaj e situacia thagarne hakongo thaj juridikane garantutnimaso, paćivalje fundoso „laćhe direkciaće“ , organizuipe thaj kapaciteti administraciako, ljindipe kanunongo thaj, upral sa gova – ekonomikani situacia, sesa gasave kaj ni arakhlje niveli paćvaljimase hakongo e forutnenđe trubutno e barardine đuvdimase savorenđe.
Angljaripe pe disave pućljimata ane trujaljimata sar kaj si sastipe ni reslje te averćhanaren sajekh moldope, aj von si moldome te faljinpe. Te faljilpe o moldope si vi o ćaćipe kaj majbut organora themese thagarimase pozitivno reagirisaren pe zurardimata Arakhavutne forutnengo. Ane 90 šeljendar situacienđe gola organora durarde mukljaripe ano bućaripe po bibahtaljipe hakongo e forutnengo, save ane procesora kontroljišimase zurarda o Arakhavutno forutnengo. Sa an jekh đindo kontaktengo e Arakhavutne forutnesa ano 2014. boš sasa 23340/biš-thaj-trin-milje-trišel-thaj-saranda/.
Ministerijumo arakhavimaso thaj Askeresi garantutne agenciako (AGA) ni manglje/ćhinavde/ e Arakhavutnese forutnenđe te den/pašaren/ podatkora save siljen ano phandipe e incidentosa ano thavdipe Parada ponos. Ćhinavdimasa kupabućarnimasa phađardino sa maškarthemutno đandikano ćikatipe demokratikane civilno kontrolako garantutne bućenđe thaj phađardine sesa e zakonora/kanunora/ katar Arakhavutno forutnengo, katar o Askeri Srbijako, katar e fundora laćharimase garantutne bućenđi, katar Askeresi garantutne agenciako thaj Askeresi đangljarutne agenciako thaj katar o arakhavipe uzbunjivaćesi thaj gova ano dićhipe kontrolako po bućaripe garantutne bućengo thaj hako manušengo kaj si ano Askeri (thaj buća garantutne)
Ano laćhardipe e Zakonesa/Kanunesa katar o arakhavutno forutnengo, sasto teksto raporteso, pe dasikani ćhib, pašardo si e themese pe righ internet prezentaciako Arakhavutne forutnenđe tela o alav http://www.ombudsman.rs/index.php/lang-sr/2011-12-25-10-17-15/3733--2014-
Ano laćhardipe e finansisko thaj avere šajimatanca, o raporti e 2014. bošese, an jekh kotor ja pe kotora, ka avel pašardino po angljikano /engleski thaj e ćhiba minoritetenđe.